Phaedrus – Appendix Perottina
(… Testi Latini – felicemassaro.it)
XVIII. [Gallus et feles lecticarii]
Nimiam securitatem saepe in periculum homines ducere
Feles habebat gallus lecticarios.
Hunc gloriose uulpes ut uidit uehi,
sic est locuta: “Moneo praecaueas dolum;
istorum uultus namque si consideres,
praedam portare iudices, non sarcinam.”
Postquam esurire coepit felum societas,
discerpsit dominum et fecit partes funeris.