trlat_Confessiones_ XI421_106
12. 14. Ecce respondeo dicenti: “Quid faciebat Deus, antequam faceret caelum et terram ?” Respondeo non illud, quod quidam respondisse perhibetur ioculariter eludens quaestionis violentiam: “Alta, inquit, scrutantibus gehennas parabat”. Aliud est videre, aliud est ridere. Haec non respondeo. Libentius enim responderim: “Nescio, quod nescio” quam illud, unde irridetur qui alta interrogavit et laudatur qui falsa respondit. Sed dico te, Deus noster, omnis creaturae creatorem...